Ватыкан: 13 мільёнаў наведванняў на сайт прысвечаны Яну Паўлу ІІ
З 29 красавіка па
8 мая 13 мільёнаў карыстальнікаў інтэрнэтам наведала сайт спецыяльна створаны да беатыфікацыі
Яна Паўла ІІ. “Толькі 1 мая, ў дзень сайт праглядзела больш за 5 мільёнаў унікальных
наведвальнікаў”, расказаў ватыканскаму выданню “L’Osservatore Romano” кс. Адрыяна
Руіс, кіраўнік вэб-цэнтра Ватыкана.
Кс. Руіс, адзначыў, што найбольшая колькасць
наведванняў вэб-сайта была з тэрыторыі Італіі, ЗША, Бразыліі, Аргенціны і Іспаніі.
Затым ідуць Германія і Польшча. Найбольшым поспехам карысталіся старонкі сайта, звязаныя
з гісторыяй пантыфіката Яна Паўла ІІ, асабліва найбольш раннія моманты, адразу пасля
яго выбару на Пятровую Сталіцу 16 кастрычніка 1978 г.
На вэб-сайце Ватыкана
было размешчана каля 500 фотаздымкаў, 30 відэа-ролікаў і 400 выказванняў Пантыфіка
на шасці мовах. Пры стварэнні гэтага партала працавалі фота-сэрвіс выдання “L’Osservatore
Romano”, Радыё Ватыкан, тэлевізійны цэнтр, Заля Друку Апостальскай Сталіцы і Папская
рада па сродках масавай камунікацыі.
Кс. Руіс выказаў меркаванне, што Ян Павел
ІІ “закаханы ў Хрыста святар, паэт і акцёр, які стаўшы Рымскім Папам, адразу заваяваў
СМІ, але яго сапраўдная сіла не заключалася ў здольнасці камунікаваць, але перш за
ўсё, ва ўнутраных адносінах з Богам, якія ён здолеў паказаць людзям”.