Упершыню Беларусь
наведвае кіраўнік Папскай Рады па сродках масавай камунікацыі арцыбіскуп Клаўдыё Марыя
Чэллі. Ён прыбыў сюды з Ватыкана ў чацвер 12 мая і ў той жа дзень сустрэўся з намеснікам
кіраўніка Адміністрацыі Прэзідэнта Беларусі Аляксандрам Радзьковым.
Сённяшні
дзень быў прысвечаны сустрэчам з журналістамі свецкімі і касцёльнымі. Яны адбыліся
ў залі мінскага касцёла св. Сымона і св. Алены. Іерарх нагадаў прысутным аб місіі
сродкаў масавай камунікацыі ў век новых тэхналогій.
Таксама сёння арцыбіскуп
Чэллі сустрэўся з Міністрам інфармацыі Беларусі Алегам Праляскоўскім і ўзначаліў св.
Імшу ў касцёле св. Сымона і св. Алены з удзелам духавенства і вернікаў архідыяцэзіі.
Арцыбіскуп Чэллі - прадстаўнік Апостальскай Сталіцы і яе вялікай “інфармацыйнай
сеткі”. На пасадзе старшыні Папскай рады па сродках масавай камунікацыі з 2007 г.
Гэта першы яго візіт у нашу краіну, па запрашэнні арцыбіскупа Тадэвуша Кандрусевіча,
Мітрапаліта Мінска-Магілёўскага.
У праграме візіту высокага ватыканскага іерарха
ў Беларусь сёння была прэзентацыя альбома-кнігі аб візіце кардынала Дзяржсакратара
Тарчызіо Бэртонэ ў Беларусь у 2008 г., а заўтра знаёмства з жыццём каталіцкага касцёла
ў Беларусі і наведванне гістарычных Міра і Нясвіжа. На суботу запланавана таксама
сустрэча арцыбіскупа Чэллі з Мітрапалітам Мінскім і Слуцкім Філарэтам. Звянчэннем
візіту стане ўрачыстая літургія ў галоўным каталіцкім храме краіны, архікатэдры Імя
НПМ у Мінску, у нядзелю 15 мая