Ս. Աթոռի Պետական Քարտուղարի Հանդիպումը Իտալիոյ Արտգործ Նախարարի Հետ
Ս. Աթոռի պետական քարտուղար կարտինալ Պերթոնէ 10 մայիսին տեսակցութիւն ունեցած է Իտալիոյ
արտգործ նախարար ֆրադինիի հետ իր մտահոգութիւնը յայտնելու ի տես հիւսիսային Ափրիկէի մէջ
քրիստոնեաներու կրած միշտատեւ հալածանքին մասին, ինչպէս նաեւ Միջին Արեւելքի մէջ ստեղծուած
խռովութիւններու մասին։ Ս. Աթոռի մամլոյ գրասենեակը յայտնած է թէ հանդիպումը աւելի
քան մէջ ժամ տեւած է կարտինալ Պերթոնէի եւ արտգործ նախարար ֆրադինիի միջեւ։ Երկու դիւնագէտները
շոշափած են բազմաթիւ նիւթեր` ''Եւրոպայի կացութիւնը'', եւ ''միջազգային կացութիւնը''։
Կարտինալ Պերթոնէ իր մտահոգութիւնը յայտնած է հիւսիսային Ափրիկէի եւ Միջին Արեւելքի քաղաքական
խոռվայոյզ կացութեան մասին։ Վատիկանի դիւանագէտը յատկապէս մատնանշեց հիւսիս Ափրիկէի
մէջ քրիստոնեաներու կրած միշտատեւ հալածանքին մասին խնդրելով միջամտութիւնը քրիստոնեաներու
պաշտպանութեան համար։ Նշենք թէ անցեալ 7-8 մայիս Եգիպտոսի մայրաքաղաքին մէջ ղպտի քրիստոնեաներու
եւ մահմետականներու միջեւ տեղի ունեցած փախումները պատճառած են 12 զոհեր եւ աւելի քան
200 վիրաւորներ