Патрыярх Барталамей І: войны, гэта крыніцы бясконцых канфліктаў
17-22 мая ў Кінгстоне
на Ямайцы адбудзецца міжнародная экуменічная сустрэча Сусветнай Рады Цэркваў на тэму:
“Перамагчы насілле”. Да ўдзельнікаў гэтага форума Патрыярх Канстантынопаля Барталамей
І скіраваў спецыяльнае пасланне, у якім адзначае, што “свет сустракаецца з прынцыпова
новай сітуацыяй, якая патрабуе тэрміновага ўмяшальніцтва на карысць міру”. Патрыярх
заклікаў спыніць “гвалт і войны”. “Яны становяцца крыніцамі бясконцых канфліктаў”,-
адзначыў Барталамей І. “Імкненне да міру заўсёды было праблемай, але сітуацыя ў якой
мы знаходзімся сёння, з’яўляецца беспрэцэдэнтнай, бо пошук міру патрабуе радыкальных
зменаў, навяртання і мужнасці”.
Патрыярх заклікаў кіраўнікоў хрысціянскіх Цэркваў
актыўна працаваць дзеля пабудовы міру “ў складаным і неспакойным свеце”. “Ад Цэркваў
сёння патрабуецца пераадолець рэтарычныя асуджэнні гвалту, прыгнёту і несправядлівасці.
- адзначае ў сваім лісце Барталамей І - Яны павінны прыняць меры, якія дапамогуць
пабудаваць культуру міру. Для Царквы, мір і яго пабудова з’яўляюцца важным элементам
яго жыцця і місіі ў свеце. Шматлікія намаганні людзей ў гэтай справе з’яўляюцца марнымі,
бо яны не гатовы адмовіцца ад матэрыяльных імкненняў і нацыяльнаснай гордасці. Вось
чаму для ўсталявання міру з’яўляецца неабходнай дзейнасць на карысць іншых, асабліва
бедных. Без міру не можа быць справядлівасці”,- адзначыў Патрыярх Барталамей ў сваім
пасланні да ўдзельнікаў экуменічнай сустрэчы ў Кінгстоне.