Në Shqipëri procesi zgjedhor hyni sot në ditën e tretë të numërimit. Në Tiranë procesi
i numërimit ka vazhduar edhe natën. Deri më tani kanë dalë rezultatet për 3 njësi,
ndërkohë që vazhdon numërimi në 8 njësi të tjera. Në Shijak, bastion i PD-së, fitojnë
socialistët. PS donimon në bashkitë më të mëdha të vendit, votat e elektoratit në
këto zgjedhje kanë shkuar majtas edhe në ato bashki të cilat ishin bastione të PD-së.
Ndërsa
Në një deklaratë të delegacionit të Parlamentit Evropian në Tiranë, për mediat,
procesi i votimit më 8 maj vlerësohet “në përgjithësi i rregullt dhe i administruar
në mënyrë paqësore”. Por delegacioni i PE-së konstaton në deklaratën e tij, mangësi
të tilla si votimet familjare, vonesat në hapjen e qendrave të votimit, konfuzionin
në kohën e mbylljes së një sërë qendrash votimi dhe vonesa në procedurat e numërimit.
Delegacioni i deputetëve të Parlamentit Evropian mendon që ndonëse votimi u krye
në mënyrë të rregullt dhe të qetë, një sërë përmirësimesh do të rrisnin integritetin
e procesit zgjedhor. Ai u bën thirrje të gjitha palëve të përfshira në procesin
zgjedhor, të veprojnë me përgjegjësi dhe të mundësojnë pas zgjedhjeve rifillimin e
reformave demokratike.