Італьянскі кардынал: усе хрысціяне пакліканы да абмену сваімі дарамі
“Мы хрысціяне, пакліканы
да аднадушнага сведчання і згоды праз канкрэтныя справы, які тычацца клопату аб эмігрантах,
бедных і слабых”, піша кардынал Дзіаніджы Тэттаманці ва ўступе да кнігі італьянскага
даследчыка, кс. Джына Баталья “Праваслаўе ў Італіі”, прэзентацыя якой адбудзецца 11
мая у будынку Ватыканскага радыё ў Рыме.
“Італьянская панарама, ў мінулым характарызавалася
адноснай аднароднасцю, аднак сёння яна адзначана сустрэчай, часам нават цяжкай і праблемнай,
паміж рознымі культурамі і рэлігіямі. - піша кардынал Тэттаманці – У такой сітуацыі,
мы, хрысціяне пакліканы сведчыць словам аб сваёй веры ў Хрыста, ад якой паходзіць
наш клопат аб бедных і праца дзеля пабудовы салідарнага і справядлівага грамадства”.
Іерарх адзначае, што гасціннасць дазваляе спаткацца з людзьмі і спрыяе даверу паміж
імі. “Так могуць рэалізавацца ідэалы, аб якіх пісаў у сваёй энцыкліцы “Ut unum sint”
(“Каб усе былі адно”) папа Ян Павел ІІ: “Дыялог гэта не толькі абмен ідэямі. Гэта
свайго роду абмен дарамі”, адзначае італьянскі кардынал.