Бэнэдыкт XVI заклікаў спрыяць пакліканням у лакальных касцёлах
Бэнэдыкт XVI скіраваў
пасланне з нагоды маючага адбыцца 15 мая 2011 г. 48-га Міжнароднага дня малітвы аб
пакліканнях. У ім Пантыфік звярнуўся да вернікаў з заклікам “спрыяць пакліканням у
лакальных касцёлах”.
Святы Айцец прыгадаў, што 70 год таму Пій ХІІ заснаваў
Папскую ініцыятыву па справам святарскіх пакліканняў і па яе прыкладу падобныя ўстановы
з’явіліся ў розных кутках свету. Папа адзначыў, што “мастацтву спрыяння і падтрымцы
пакліканняў трэба вучыцца са старонак Евангелля, у якім Езус заклікае сваіх вучняў,
каб ішлі за ім, а таксама навучае іх з любоўю і клопатам”.
Бэнэдыкт XVI падкрэслівае,
“што пакліканне да святарства і да кансэкраванага жыцця з’яўляецца перш за ўсё плёнам
пастаяннага кантакту з жывым Богам і малітвы”, якая заносіцца да Яго “у парафіяльных
супольнасцях, ў хрысціянскіх сем’ях і асяродзях дзе нараджаецца пакліканне”.
У
сваім пасланні Пантыфік заклікае наследаваць прыклад Хрыста, углядацца ў Яго, бліжэй
знаёміцца з Ім, слухаць Яго слова, сустракацца з Ім у Сакрамэнтах і скіроўваць сваю
волю да волі Бога. “Гэта будзе сапраўднай школа для ўсіх, хто рыхтуецца да святарскага
служэння ці да кансэкраванага жыцця, пад кіраўніцтвам касцёльных уладаў - адзначае
Бэнэдыкт XVI – Можа падавацца, што пакліканне да ахвяравання свайго жыцця з’яўляецца
вельмі цяжкім, таму неабходна умацоўваць і падтрымліваць тых, хто яго адчувае . Неабходна
каб пакліканыя адчувалі гэту падтрымку супольнасці і адказалі “так” Богу і Касцёлу”.
"Душпастырства
пакліканняў вядзецца ў розных асяродках – сем’ях, парафіях, супольнасцях, выхоўваючы
ў моладзі глыбокую прывязанасць да Бога і праз умацаванне праз асабістую і літургічную
малітву”, - кажа Папа. “Лакальны Касцёл павінен навучыць слухаць Божае слова праз
паглыбленне знаёмства са Святы Пісаннем, а таксама паказаць, што спаўненне волі Бога
не прыніжае і не знішчае асобы, але дазваляе ёй адкрыць найглыбейшую праўду аб сабе
самой”, напісаў Святы Айцец у сваім пасланні на Міжнародны дзень малітвы аб пакліканнях,
які будзе адзначацца 15 мая.