Դեսպան Վահագն Մելիքեան Իր Հաւատարմագրերը Յանձնեց Քաթարի Իշխանին։
2 մայիսին Քաթարի մէջ Հայաստանի դեսպան Վահագն Մելիքեան իր հաւատարմագիրները յանձնեց
Քաթարի իշխան շէյխ Համատ պըն Խալիֆա Ալ Թանիին: Հաւատարմագիրներու յանձնումի արարողութենէն
ետք տեղի ունեցած զրոյցին ընթացքին դեսպան Մելիքեան Հայաստանի նախագահ Սերժ Սարգսեանին
ողջոյնները եւ բարեմաղթութիւնները փոխանցեց իշխանին: Հանդիպման ընթացքին քննարկուեցան
հայ-քաթարական յարաբերութիւններու զարգացման, միջազգային կառոյցներուն մէջ համագործակցութեան,
ինչպէս նաեւ երկու կողմերը հետաքրքրող բազմաթիւ հարցեր: Կարեւոր նկատուեցաւ բարձր մակարդակի
փոխադարձ այցելութիւններու կազմակերպման անհրաժեշտութիւնը, որ որակական նոր իրավիճակ
պիտի ստեղծէ երկու երկիրներու յարաբերութիւններուն մէջ: Երկկողմանի առեւտրա-տնտեսական
համագործակցութեան խորացման համար դեսպանը կարեւոր նկատեց հայ-քաթարական միջկառավարական
յանձնախումբի նիստի գումարումը: