Պենետիկտոս ԺԶ Սրբազան Քահանայապետին Գործունէութիւնը

Ուրբաթ 6 մայիս 2011 առաւօտեան ժամը 11-ին Վատիկանի քահանայապետական տան Գլէմէնթինա Սրահին մէջ, Նորին Սրբութիւնը ընդունեց Սուրբ Անսէլմոս Քահանայապետական Համալսարանի 50 ամեակի առթիւ կազմակերպուած Համագումարի մասնակիցները թիւով 150 հոգի։
Որմէ ետք ժամը 11.30-ին՝ Սրբազան Քահանայապետը ընդունեց Գերապայծառ Մանուէլ Մոնթէյրօ Տէ Գասդրոն Եպիսկոպոսական Համահաւաք Դասի քարտուղարը ու ապա դարձեալ Գլէմէնթինա սրահին մէջ, Սրբազան Հայրը ընդունեց Զուիցերական Պահակագունդը ու 34 նոր անդամներու ընտանեկան պատագաները։