Святы Айцец да членаў Папскага літургічнага інстытута: літургія, гэта вялікая настаўніца
прымата веры і ласкі
6 мая Бэнэдыкт XVI
скіраваў зварот з нагоды ІХ Міжнароднага літургічнага кангрэса, які праходзіць у рамках
юбілею заснавання Папскага літургічнага інстытута.
У сваім пасланні Пантыфік
нагадаў аб важным укладзе гэтай установы ў даследванні літургіі і падрыхтоўку праэкта
літургічных зменаў напярэдадні і падчас ІІ Ватыканскага Сабора. “У вігілію Сабора,
існавала тэрміновая неабходнасць рэформы літургіі, - адзначыў Папа – З іншага боку,
пастырская неабходнасць патрабавала больш актыўнага удзелу вернікаў у літургічнай
цэлебрацыі праз выкарыстанне нацыянальных моваў і адпаведнасці абрадаў асаблівасцям
розных культур. Такім чынам існавала патрэба ў дасканалым і глыбокім вывучэнні тэалагічных
фундаментаў літургіі, каб захаваць яе ад пустой абраднасці, і ў той жа час, каб яна
адпавядала Божаму Аб’яўленню і была працягам традыцыі Касцёла”.
Святы Айцец
падзякаваў членам Папскага літургічнага інстытута за ўклад у адукацыю, шматлікіх кансэкраваных
асобаў і свецкіх, якія зараз працуюць у розных кутках свету, “дапамагаючы святому
народу Божаму жыць літургіяй” і дакладна разумець яе сэнс.
“Кульмінацыя дзейнасці
Касцёла і адначасова крыніца, ад якой ён чэрпае свае цноты, гэта літургія са сваёй
паўсюднай цэлебрацыяй. - сказаў Бэнэдыкт XVI - Яна з’яўляецца, вялікай настаўніцай
прымата веры і ласкі”.