Ֆրանսայի Ծերակոյտի Եզական Որոշումը Հայոց Ցեղասպանութեան Մասին։
Երէկ 4 Մայիս Ֆրանսայի ծերակոյտը քանի մը ժամ տեւած բուռն քննարկումներէ ետք ի վերջոյ
ո՛չ մերժեց, ո՛չ ալ հաստատեց Հայոց Ցեղասպանութեան փաստի ժխտումը քրէականացնող օրինագիծը
։ֆրանսայի Արդարադատութեան նախարար Միշել Մարսիէն նշեց, թէ օրինագիծը պիտի յանձնէ իրաւաբաններու,
որպէսզի անոնք ներկայիս ի զօրու ֆրանսական օրէնքներու միջոցաւ կարենան կազմակերպել ֆրանսահայերու
իրաւանց պաշտպանութիւնը՝ նկատի ունենալով անոնց ծագումը՝ իբրեւ Ցեղասպանութենէն տուժածներ:
Ան յիշեցուց, թէ Ֆրանսա արդէն իսկ 2001ին հաստատած էր Հայկական Ցեղասպանութեան պատմական
իրողութիւնը: Նշենք, որ Ֆրանսայի խորհրդարանը 12 հոկտեմբեր 2006-ին որդեգրած էր օրինագիծը,
որ Հայոց Ցեղասպանութեան փաստի ժխտումին համար սահմանած էր մէկ տարուան բանտարկութեան
եւ 45 հազար Էուրօ տուգանքի պատիժ մը: Յիշեցնենք թէ 4 Մայիսի բանաձեւը առաջարկուած
էր ֆրանսայի Ընկերվարական կուսակցութեան կողմէ։