Біскуп Эрфурта спадзяецца на плённы візіт Пантыфіка ў Германію
Каталіцкі біскуп Эрфурта
Ёахім Ванкэ выказаў жаданне, каб візіт Бэнэдыкта ХVI ў Германію, які адбудзецца ў
верасні 2011 г. паспрыяў умацаванню аўтарытэта паўсюднага Касцёла сярод насельніцтва
ўсходняй часткі гэтай краіны. Людзі з былой ГДР “адвыклі” ад такіх буйных падзей,
- сказаў іерарх.
Свой візіт у Германію Святы Айцец здзейсніць 22-25 верасня.
Першая сустрэча з вернікамі адбудзецца ў Берліне. Ва усходняй Германіі Папа наведае
сталіцу Турынгіі Эрфурт і каталіцкую частку гэтага рэгіёну Ейсфэльд. Кульмінацыяй
візіту ў Эрфурт будзе экуменічная малітва ў былым храме айцоў аўгустынянаў, у якім
у пачатку XVI ст. жыў Марцін Лютар. У Эрфурце Бэнэдыкт ХVI сустрэнецца з прадстаўнікамі
Лютэранскай Царквы Германіі.
Гэта будзе трэці візіт Бэнэдыкта XVI у Герамнію,
але першы афіцыйны. Ён ужо наведваў сваю Радзіму ў якасці Пантыфіка ў рамках Сусветных
дзён моладзі, якія праходзілі ў Кёльне ў 2005 годзе, а таксама ў 2006 г. ў рамках
пастырскага візіта ў Баварыю.