9 мая ў Фрыбурскім
універсітэце ў Швейцарыі адбудзецца экуменічны семінар з удзелам хрысіцян розных канфесій,
які прымеркаваны да 10-годдзя Еўрапейскай экуменічнай хартыі. Арганізатарамі гэтага
спаткання з’яўляюцца мясцовы Інстытут экуменічных даследванняў, Працоўная група хрысціянскіх
Цэркваў у Швейцарыі, а таксама Рада Канферэнцыі Біскупаў Еўропы і Канферэнцыя Еўрапейскіх
Касцёлаў.
Еўрапейская экуменічная Хартыя была падпісана 22 красавіка 2001 г.
у Страсбургу. Яна з’явілася вынікам еўрапейскага экуменічнага форума ў якім прымалі
ўдзел прадстаўнікі амаль усіх Цэркваў, што дзейнічаюць на тэрыторыі Еўропы. Хартыя
не мае дагматычнага ці прававога статуса і не з’яўляецца абавязковай ні для аднаго
з бакоў. Аднак, гэты дакумент прадстаўляе сабой вялікае значэнне ў імкненні хрысціян
да адзінства. Хартыя была перакладзена больш чым на 30 моваў і некалькі разоў цытавалася
свецкімі ўстановамі, напрыклад Парламентскай супольнасцю Рады Еўропы.