Papa Benedikti XVI pret në audiencë Presidentin e Polonisë
Benedikti XVI priti dje në audiencë Presidentin e Republikës së Polonisë, Shkëlqesinë
e Tij, Zotin Bronislav Komorovski. Presidenti i shprehu Papës mirënjohjen e popullit
polak për Lumnimin e Shërbëtorit të Hyjit, Gjon Palit II. Gjatë takimit, tejet të
përzemërt, u theksua se Papnia e gjatë e Gjon Palit II shënoi një kthesë vendimtare,
jo vetëm në Poloni, por në mbarë botën. U nënvizua edhe se fjalimet e Karol Vojtilës
në favor të dinjitetit të njeriut e të pacënueshmërisë së jetës njerëzore, mbeten
aktuale, me ndikim të fuqishëm edhe mbi të ardhmen.