Vritet Bin Laden: Obama i jep lajmin botës

Bin Laden, kreu i Al Kaedes, mbeti i vrarë gjatë një sulmi të forcave speciale amerikane në rrethinat e Islamabadit. Lajmin ia dha botës presidenti i SHBA Barak Obama.
Në Uashington qindra njerëz u mblodhën gjatë natës para kangjellave të Shtëpisë së Bardhë, duke shpalosur flamujtë me yje e me vija, para e pas njoftimit të presidentit Obama për vrasjen e Bin Laden. Manifestime të shumta edhe në Nju Jork, posaçërisht në Ground Zero e në Times Square.