Ministri Jashtëm kosovar E. Hoxhaj: Gjon Pali II punoi për paqen e të vërtetën e njeriut.

Ministri i Jashtëm i Kosovës, Enver Hoxhaj në intervistën dhënë programit shqip të Radio Vatikanit flet për figurën e të Lumit të ri, Papën Gjon Palin II, vlerëson lartë rolin e kontributin e tij në historinë botërore dhe shpreh mirënjohjen për kontributin që Ati i Shenjtë Vojtila u dha qytetarëve të Kosovës. Gjon Pali II mbetët një figurë e jashtëzakonshme për shoqërinë bashkëkohore si dhe për ndërtimin e kultivimin e vlerave njerëzore, shpirtërore e kulturore në Kosovë e në mbarë botën.
Pjesëmarrjen e delegacionit Shtetëror të Kosovës me në krye Kryeministrin zotin Hashim Thaçi dhe ministrin e Jashtëm, të shoqëruar nga Ambasadori i Kosovës pranë Italisë zoti Albert Prenkaj në ceremoninë e lumturimit kremtuar nga Benedikti XVI në Vatikan, ministri i Jashtëm i Kosovës e konsideron si të rëndësishëm për shumë arsye. Po të dëgjojmë pjesën e parë të intervistës së don David Gjugjës me Ministrin e Jashtëm të Kosovës, zotin Enver Hoxhaj.....