Доктар Хаакін Наварра-Вальс,
былы кіраўнік Залі Друку Апостальскай Сталіцы і блізкі супрацоўнік Яна Паўла ІІ, адказваючы
на пытанні іспанскай газеты “АВС”, падзяліўся сваімі ўспамінамі аб новым благаслаўлёным.
Распавядаючы аб шматлікіх падарожжах Папы Наварра-Вальс адзначыў, што падчас
Пантыфікату Яна Паўла ІІ “было шмат важных апостальскіх падарожжаў, але вялікае ўражанне
на ім зрабіў візіт у Азербайджан, у былую савецкую рэспубліку на Каўказе”. “Папа паехаў
туды, - сказаў доктар Наварра-Вальс - ва ўзросце 80 гадоў, калі ўжо не мог хадзіць
і гаварыў з вялікай цяжкасцю. Колькасць католікаў у гэтай краіне вельмі нязначная,
аднак ён хацеў туды паехаць, таму што лічыў, што нават такая малая група вернікаў
мае права сустрэццца з Рымскім Пантыфікам”.
На пытанне аб візіце ў Ватыкан
Міхаіла Гарбачова былы кіраўнік Залі Друку Апостальскай Сталіцы, адказаў, што “гэта
быў вельмі незвычайны візіт: упершыню Генеральны сакратар Камуністычнай партыі СССР
сустрэўся з Папам Рымскім”. “Незвычайным было тое, што яны добра разумелі адзін аднаго.
- прыгадаў Наварра Вальс - У той дзень Ян Павел ІІ сказаў мне, што Гарбачоў, гэта
чалавек прынцыпаў. Негледзячы на тое, што Гарбачоў публічна прызнаваў заслугі Папы
ў падзеннні Бярлінскай сцяны, аднак героем яе падзення быў ён сам. Ён стрымаў абяцанне,
што не будзе сілай вырашаць праблемы ў краінах Варшаўскага Дагавора”. “Гарбачоў таксама
не дапусціў ваеннага ўмяшальніцтва ў Берліне ў 1989 г. і Папа вельмі цаніў гэта”,
- адзначыў доктар Наварра-Вальс.