Liturgjia e Fjalës së Zotit e dielës së 2-të të Pashkëve dhe e festës së Mëshirës
Hyjnore
Ja përsëri në takimin tonë javor të së shtunës me Fjalën e Zotit të së dielës, kësaj
radhe do të dëgjojmë e meditojmë së bashku leximet biblike të liturgjisë hyjnore të
dielës së dytë të Pashkëve, të ciklit të parë, sipas kalendarit të liturgjisë kishtare
e që nga viti 2002 Gjon Pali II këtë diele ia kushtoi Mëshirën Hyjnore duke ia besuar
përdëllimit të Zotit mbarë njerëzimin. Pra, kremtohet festa e Mëshirës Hyjnore. Dëgjues
të nderuar, leximet biblike të liturgjisë së Fjalës së Zotit të kësaj së diele, na
ftojnë të vijojmë reflektimin tonë mbi misterin e Pashkëve, mbi misterin e Mundimeve,
të Vdekjes e Ngjalljes së Jezu Krishtit, që është qendra dhe zemër e krishterimit.
Krishti i Ngjallur është i pranishëm në mesin tonë nën shenjat e bukës e të vërës,
që forca e Shpirtit Shenjtë dhe feja e Kishës i shndërrojnë në korpin e gjakun e Jezusit.
Krishti i Gjallë bëhet ushqim i jonë e pije shpirtërore, prandaj ta pranojmë thirrjen
e Tij që na drejton për t’u bërë njerëz të ri e dëshmitarë të sinqeritetit e të së
vërtetës, si apostujt që i komunikuan Tomës takimin e tyre me Krishtin e Gjallë:
“ E pamë të Ngjallurin”, e si Toma që pas dyshimeve, pas vështirësisë së besimit,
ra në gjunjë duke rrëfyer fenë e tij në Zotin e Gjallë, edhe të besojmë e të biem
në gjunjë para Krishtit Zot e Shpëtimtar. Pra, leximet e kësaj së diele na ofrojnë
e ftojnë të ndalemi tek frytet e Krishtit të Ngjallur: leximi i parë na flet për lindjen
dhe tiparet e bashkësisë së parë të apostujve e të anëtarëve të parë të bashkësisë
së krishterë, ndërsa ungjilli i kësaj së diele na tregon për dhuratën e Krishtit të
Gjallë, për paqen dhe për vështirësinë e besimit të Tomës në Krishtin e Gjallë. Po
t’i dëgjojmë leximet biblike të kësaj së diele e pastaj komentin........... Leximi
i parë (Vap 2, 42-47) Ringjallja e Krishtit është një ngjarje
e papërsëritshme, por është e nevojshme të gjendet mënyra për ta jetuar çdo ditë.
Në sytë e të krishterëve të parë mënyrë më e drejtë për ta bërë ishte jeta e bashkësisë,
domethënë ajo që shprehej në një liturgji shtëpie duke kujtuar fjalët dhe shembujt
e apostujve në një klimë gëzimi dhe bashkëndarjeje. Lexim prej Veprave të
Apostujve
Vëllezërit ishin vazhdimisht të kujdesshëm për ta përvetësuar
mësimin e apostujve dhe nuk mungonin në mbledhjet vëllazërore, në ndarjen e bukës
e në uratë. Një frikë e madhe pushtonte çdo njeri: apostujt bënin shumë mrekulli
dhe shenja të bindshme. Të gjithë ata që besuan, qëndronin së bashku dhe gjithçka
kishin të përbashkët. Shitnin prona dhe pasuri që kishin dhe ua ndanin të gjithëve
si kush kishte nevojë. Për çdo ditë shkonin së bashku e rregullisht në Tempull, në
shtëpi ndanin bukën dhe me hare e me thjeshtësi ushqeheshin të gjithë së bashku. I
jepnin lavdi Hyjit e mbarë populli i kishte fort për hir. Vetë Zoti çdo ditë i shtonte
bashkësisë asish që shëlbohen. Fjala e Zotit Psalmi 118 (117) Ref: I
kemi medituar, o Zot, veprat e tua të madhwrueshme. ____________________________________________
Lavdërojni
Zotin, sepse është i mirë, sepse e përjetshme është dashuria e tij! Le të thotë
tashti Izraeli: Zoti është i mirë, e përjetshme është dashuria e tij!
_____________________________
Le
të thotë tani shtëpia e Aronit, e përjetshme është dashuria e tij! Le të thonë
tani ata që e druajnë Zotin, e përjetshme është dashuria e tij!
________________________________
Më
shtytën, më dhanë shtytje për të më rrëzuar, por më përkrahi ndihma e Zotit. Fuqia
ime e lavdia ime është Zoti, Ai është shpëtimtari im. Ja, britma gëzimi e ngadhënjimi në
tendat e të drejtëve. _____________
Guri, që e qitën jashtë përdorimit ndërtuesit,
erdhi e u bë guri këndit; Zoti e bëri këtë gjë: sa mrekulli për sytë tanë!
Kjo është dita që na e dhuroi Zoti: të galdojmë e të gëzojmë në të! _____________
Leximi
i dytë (1 Pjt 1, 3-9)
Kush beson në Jezu Krishtin e ringjallur
prej të vdekurve dhe “të rilindur”; si një person i shëruar nga një sëmundje e rëndë
bën sërish planet për të ardhmen, bën hapat e parë drejt një shëndeti të përsosur;
mendimi i vdekjes nuk e tremb. Jezusi që ka fituar mbi vdekjen është shpresa e gjallë
që na mbështet në ecjen tonë.
Lexim prej Letrës së parë të shën Pjetrit
apostull
Qoftë bekuar Hyji, Ati i Zotit tonë Jezu Krishtit, i cili na rilindi
me anë të mëshirës së vet të pakufi në saje të ngjalljes prej të vdekurish të Jezu
Krishtit, për shpresën jetësore, për trashëgim të pashkatërrueshëm, të panjollë e
të pavyshkshëm që e ruajti për ju në qiell; për ju që jeni të ruajtur me fuqinë e
Hyjit në saje të fesë për shëlbim që është gati të zbulohet në kohën e fundit. Këndej
gëzoheni edhe pse, në qoftë se duhet, për pak kohë jeni të trishtuar për shkak të
provave të ndryshme, që feja juaj e sprovuar – shumë më e çmueshme se ari i shkatërrueshëm,
që edhe ai sprovohet në zjarr – të fitojë lëvdatë, nder dhe lavdi në ditën e zbulesës
së Jezu Krishtit: Atë e doni edhe pse nuk e patë, në Atë besoni edhe pse ende nuk
e shihni; dhe galdoni me gëzim të patregueshëm dhe të lavdishëm, që ia rritët qëllimit
të fesë suaj: shëlbimit të shpirtit.
Fjala e Zotit
ALELUJA, Aleluja. Pse
po më sheh, o Tomë, po beson. Lum ata që nuk panë e besojnë! Aleluja. VUngjilli (Gjn 20, 19-31) Jezusi i ringjallur u shfaqet
dishepujve dhe u jep atyre paqen dhe gëzimin e Atit. Vetëm tani ata e njohin
motivin dhe vlerën e vdekjes së tij: në të vërtetë nga kraharori i plagosur dhe nga
duart e tij të shporuara u dhurohet atyre paqja e Shpirtit. Ringjallja e Jezusit është
fitorja mbi frikën, gëzimi, paqja, dhurata e Shpirtit dhe falja e mëkateve. Leximi
i Ungjillit shenjt sipas Gjonit
Në mbrëmje po të asaj dite – të parën
ditë të javës – ndërsa dyert e shtëpisë, ku banonin nxënësit, ishin të mbyllura prej
frikës së judenjve, erdhi Jezusi, zuri vend midis tyre dhe u tha: “Paqja me ju!” Si
u tha kështu, u tregoi duart dhe kraharorin. Nxënësit u gëzuan, kur e panë Zotërinë.
Mandej u tha prapë: “Paqja me ju! Sikurse më dërgoi mua Ati, ashtu unë po ju dërgoj
ju.” Si foli kështu, hukati mbi ta dhe u tha: “Merrni Shpirtin Shenjt! Atyre që
jua falni mëkatet, u falen, e atyre që nuk jua falni, nuk u falen.” Porsi Toma,
njëri prej të dymbëdhjetëve, ai që quhet Binjak, nuk ndodhi me ta kur erdhi Jezusi.
I thanë, pra, nxënësit tjerë: “E pamë Zotërinë!” Toma u përgjigji: “Pa e parë
në duar të tija vragën e gozhdave e pa e vënë gishtin tim në vend të gozhdave; pa
e shtirë dorën time në kraharorin e tij, kurrë nuk besoj.” Mbas tetë ditësh nxënësit
e tij ishin prapë brenda në shtëpi e me ta ishte edhe Toma. Megjithëse dyert ishin
të mbyllura, erdhi Jezusi, zuri vend midis tyre dhe u tha: “Paqja me ju!” Mandej i
tha Tomës: “Shtjere gishtin tënd këtu e qe, shihi duart e mia! Ma jep dorën tënde
e shtjere në kraharorin tim dhe mos ji njeri që s’beson, por besimtar!” Toma i
përgjigji: “Zotëria im dhe Hyji im!” Jezusi i tha: “Pse po më sheh, po beson.
Lum ata që nuk panë e besojnë!” Jezusi bëri ndër sy të nxënësve të vet edhe shumë
mrekulli tjera, të cilat nuk u shënuan në këtë libër. Këto u shkruan që të besoni
se Jezusi është Mesia, Biri i Hyjit, dhe, që duke besuar, ta keni jetën në Emër të
tij. Fjala e Zotit Të dashur vёllezёr e motra! Nё ditёt e kaluara
kemi kremtuar Pashkёt e Ngjalljes. Litugjia na thotё qё nga e Diela e Pashkёve deri
nё tё Dielёn e Bardhё, pra kjo e djelё qё po kremtojmё, ёshtё njё ditё e vetme. Ne
tё vёrtetё e Diela e tё dielave nuk mund tё kufizohet brenda njёzetekatёrorёve orёve
por pёr kishёn ajo zgjat njё javё rresht. Kjo javё ёshtё vetёm paraprirje e Pashkёve
tё qiellit qё do tё zgjasin pёrjetёsisht. Thjesht ne pёrjetojmё nё kёto ditё atё çka
do tё jetё nё tё ardhmen. Pas tё Dielёs sё Pashkёve jeta nё tokё dhe nё tё gjithё
universin nuk do tё jetё mё e njёjta, pasi vorbulla e vdekjes, qё merrte me vete gjithcka,
tashmё ёshtё e mundur. Shenjё e kёsaj ёshtё bashkёsia e krishterё qё megjithёse jeton
“nё kёtë shekull plot me lot”, i ka zemrat dhe mendjet tё drejtuara te atdheu i qiellit,
qё ёshtё shpresa e saj e fundme. Qysh prej fillimit bashkёsia e krishterё, nёn
udhёheqjen e Shpirit tё Shenjtё, ka pёrjetuar kёtё shpresё nёn dritёn e misterit tё
ngjalljes sё Krishtit. Leximi i parё i marrё nga Veprat e Apostujve
na flet pёr bashkёsinё e parё tё krishterё e cila jetonte nё dёgjim tё fjalёs sё apostujve,
nё bashkim mendjesh dhe zemrash, duke ndarё bukёn sёbashku e duke lёvduar Hyun. Janё
kёto trajtat e vecanta tё bashkёsisё sё krishterё e cila gёzon praninё e Zotit tё
ringjallur. Bashkёsia e parё ёshtё njё realitet qё jeton nё periferi tё judaizmit,
madje pёr shumё kohё njihej thjesht si njё sekt i tij. Dishepujt dhe bashkёsitё e
para mblidheshin nёpёr sinagoga dhe nёpёr shtёpi. Ishte njё numёr i vogёl, i papёrfillshёm,
madje pёr autoritetet fetare tё kohёs edhe i rrezikshёm pasi mёsonte njё doktrinё
ndryshe nga ajo zyrtare. Por ajo nuk ishte njё doktrinё ndryshe, ishte njё doktrinё
e re, qё plotёsonte atё tradicionale, pasi Krishti ishte plotёsimi i tё gjitha profecive,
pёrmbushja e Besёlidhjes sё Vjetёr. Portreti i bashkёsisё sё parё nuk ёshtё njё utopi
qё nuk realizohet kurrё, ai ёshtё modeli i cdo bashkёsie tё cdo kohe. Vetёm brenda
kёtyre trajtave tё sipёrpёrmenduar njё bashkёsi mund tё quhet e krishterё. Kisha nuk
ёshtё vetёm njё organizёm si tё gjitha organizatat e tjera jo apo fitimprurёse, as
njё agjenci shёrbimesh pёr funerale apo martesa. Kisha para sё gjithash ёshtё njё
bashkёsi burrash dhe grash. Bashkёsi do tё thotё bashkim zemrash dhe mendjesh, do
tё thotё solidaritet tё ndёrsjelltё, dashuri tё ndёrsjelltё. Mё shumё se cdo gjё bashkёsia
e krishterё ёshtё ajo bashkёsi burrash dhe grash qё kanё nё qendёr tё jetёs sё tyre
njё person tё gjallё dhe tё pranishёm, Jezu Krishtin, Zot dhe njeri. Sa do tё kishin
nevojё bashkёsitё tona tё krishtera t’i pёrshtateshin kёsaj bashkёsie tё parё, natyrshmёrisё
dhe gjallёrisё sё saj. Jo rrallёherё bashkёsitё tona, famullitё tona, janё mё shumё
agjenci shёrbimesh sakramentore se sa bashkёsi tё gjalla ku dёgjohet, jetohet dhe
shpallet ungjilli. Barinjtё e bashkёsive, ipeshkёvinj dhe meshtarё kanё detyrёn e
madhe qё tё jenё, jo vetёm drejtues, por edhe etёr tё kёsaj familje e nё emёr tё Krishtit
dhe nё personin e tij tё shpallin ungjillin dhe tё kremtojnё liturgjinё e tё kujdesen
pёr tё gjithё. Pjetri nё letrёn e tij na kujton dhuratёn e madhe qё sjell
ringjallja, realitetin e ri qё ёshtё krijuar dhe pёr tё cilin Krishti ka dhёnё jetёn
e tij. Ky realitet duket se shpeshherё ёshtё i errёsuar nga vuajtja dhe nga pikёllimi
i shumё njerёzve nё tё katёr anёt e botёs. Targjedia qё ndodhi nё Gёrdec, nё zemёr
tё Javёs sё Madhe, e shumё tragjedi tё tjera duket sikur errёsojnё misterin e shpresёs
sё madhe pёr tё cilёn na flet Pjetri. Por pёr tё krishterёt nuk mund tё errёsohet
ajo shpresё e madhe, pasi ne e dimё se vuajtja dhe e keqja nuk mund tё kenё fjalёn
e fundit mbi jetёn e njeriut dhe mbi jetёn e botёs. Prandaj jeni tё mbushur me gёzium
- na porosit apostulli Pjetёr, - edhe pse tani do tё duhet tё pikёlloheni pak nga
sprova tё ndryshme, qё vlera e besimit tuaj ma e cmueshme se ari...qё provohet me
zjarr, tё kthehet nё lavdёrim, lavdi dhe nder nё shfaqjen e Jezu Krishtit. Shpresa
qё ёshtё ngulitur nё zemrat tona ёshtё mё e madhe se cdo kundёrdёshmi e sё keqes,
prandaj pёr tё krishterёt dёshpёrimi ёshtё i papranueshёm dhe pёr t’u luftuar me cdo
mjet shpirtёror. Ёshtё gjë normale qё dyshimi, qё vjen nga e prania e vuajtjes
dhe e sё keqes, tё mundojё jetёn tonё. Shёmbulli i shёn Tomёs, nё ungjillin e
kёsaj tё diele, ёshtё njё karakteristikё e njeriut dhe e arsyes
sё tij. Ai dishepulli qё kishte qenё gjithё kohёn me Jezusin nёpёr rrugёt e Palestinёs,
duke shpallur Mbretёrinё e Hyut, qё kishte parё edhe tё keqen tё egёrsohej barbarisht
kundёr Mёsuesit tё tij, qё e kishte ndjekur nё udhёn e kryqit, e kishte parё tё kryqёzuar,
kishte parё edhe gurin qё ishte vendosur nё varrin e tij, ai dishepull tani dёgjon
se Jezusi ёshtё i Gjallё dhe u ёshtё shfaqur shokёve tё tij. Aq mё shumё pёr njeriun
e kohёs tonё qё beson vetёmnë atë çka preket dhe shihet, vetёm atë çka paraqet televizioni
apo interneti, besimi nё Zotin e Ngjallur duket diçka absurde. Por Jezusi kupton vёshtirёsinё
e Tomёs, ai i njeh mirё nxёnёsit e tij e pёr kёtё arsye e lejon Tomёn qё tё prekё
plagёt e tij. Prej plagёve tё tij ne u shёruam, prej plagёve tё tij Toma rifitoi besimin.
Pёr Tomёn bёhet konkrete dhe e prekshme jo vetёm vuajtja e Jezusit, por edhe realiteti
i tij i ri, tё ngjallurit. Kjo e befason Tomёn dhe ai shpall besimin e tij duke thёnё:
“Zoti im dhe Hyu im”. Dyshimi ёshtё njё sjellje normale e njeiut, ёshtё brenda tij.
Nga njёra anё kjo ёshtё pasojё e humbjes sё vizionit tё Zotit me mёkatin origjinal,
por nga ana tjetёr ёshtё edhe njё nxitje drejt kёrkimit tё sё vёrtetёs. Por njeriu
nuk mund tё rri gjithё jetёn e tij dyshues, pasi ajo ёshtё njё gjendje pavendosmёrie
e ne jemi tё thirrur nё jetё tё vendosim e brenda vendimeve tona tё kёrkojmё pёrsёri,
derisa e vёrteta tё jetё zbuluar krejtesisht nё jetёn me Zotin. Nё ungjillin
e Gjonit kёtё tё diel bie nё sy edhe takimi i Jezusit mё dishepujt tij dhe
fjalёt qё ai shkёmben me to. “Paqja me ju!” qё do tё thotё, jo “paqja qoftё me ju”,
por “paqja ёshtё me ju”, pasi Krishti ёshtё paqja e vёrtetё dhe ai ёshtё i pranishёm.
Ёshtё e njёjta pёrshёndetje qё ipeshkёvi nё fillim tё meshёs u drejton besimtarёve.
Paqen qё Kishti u ka lёnё apostujve, kёta tё fundit ua kanё lёnё pasardhёsve tё tyre,
ipeshkёvinjёve. E mё pas po atyre u ka dhёnё Shpirtin e Shenjtё dhe pushtetin pёr
tё falur mёkatet. Kёshtu apostujt dhe mё pas ipeshkёvinjtё janё mbartёsit e faljes
sё mёkatve nё emёr tё Krishtit. Nuk mund tё ketё paqe brenda Kishёs pa bashkim zemrash
dhe mendjesh me barinjtё tanё, Atin e shenjtё dhe Ipeshkёvinjtё. E nuk mund tё ketё
paqe jashtё nesh pa Krishtin. Nga njёra anё ierarkia ka pёr detyrё tё jetё pёrcjellёse
e paqes, ushqyese e bashkёsisё me ndjenja atёsore e nga ana tjetёr tё gjithё nё kemi
pёr detyrё tё ndjekim barinjtё tanё nё kёtё mision tё tyre, pasi vetёm kёshtu Kisha
e Krishtit do tё jetё njё e vetme. Krishti u ka dhёnё barinjёve hirin dhe pushtetin
pёr tё falur mёkatet dhe pёr tё udhёhequr popullin e tij e tё gjithё neve hirin pёr
ta lejuar veten tonё qё tё shkojmё pas barinjёve tanё. Paqja e Krishtit tё ringjallur
ёshtё e vetmja paqe e vёrtetё qё meriton njё emёr tё tillё. Nё njё botё tё munduar
prej konfliktesh, tё krishterёt kanё misionin e madh pёr t’u lutur e pёr tё punuar
ditё e natё pёr paqen. Por kjo paqe nuk mund tё jetё vetёm fryt i dipolmacisё apo
i strategjive politike. Njё paqe qё nuk prek zemrat dhe mendjet ёshtё jetёshkurtёr.
Prandaj tё krishterёt janё profetё tё njё paqe jetёgjatё nё pritje tё paqes pёrfundimtare
kur Krishti do tё jetё gjithcka nё tё gjithё. Tё dashur vёllezёr e motra. Tё gёzojmё
kёto ditё Pashkёsh nё pritje tё Rrёshajёve. Janё pesëdhjetë ditё të kësaj kohe të
posaçme shpirtërore nё tё cilat Kishti nё mёnyrё tё veçantё ёshtё i pranishёm nё mesin
tonё. T’i lёmё pёr njё çast anash tё gjitha dyshimet dhe hamendёsimet, e tё kundrojmё
Zotin e Gjallё dhe tё vёrtetё. T’i kёrkojmё Ngjallurit qё të prekim plagёt e tij,
jo pse dyshojmё, por sepse duam tё shёrohemi nga mёkati dhe vetёm plagёt e tij mund
tё na shёrojnё, pasi janё plagёt e Krishtit tё ngjallur. Edhe njё herё gёzuar e pёr
shumё mot Pashkёt.