Труна з целам Яна Паўла ІІ устаноўлена каля магілы св. Пятра
29 красавіка ў гроце
базылікі св. Пятра была адкрыта грабніца, у якой знаходзілася труна з целам Слугі
Божага Яна Паўла ІІ. Труна была ўстаноўлена на спецыяльны пастамент. Затым адбылася
малітва, у якой прынялі ўдзел шматлікія кардыналы, былыя супрацоўнікі Яна Паўла ІІ,
прадстаўнікі Ватыканскай жанрармерыі, Швейцарскай гвардыі і Фабрыкі св. Пятра. Пасля
малітвы труна з целам будучага благаслаўлёнага была ўстаноўлена каля магілы апостала
Пятра і накрыта тканінай.
Цела Яна Паўлам ІІ застанецца ў гроце ватыканскай
базылікі да раніцы 1 мая, калі яно будзе перанесена і ўстаноўлена перад цэнтральным
алтаром базылікі св. Пятра для ўшанавання. Вечарам 2 мая цела благаслаўлёнага будзе
перанесена і размешчана пад алтаром капліцы св. Себасцьяна, з правага боку ад уваходу
ў базыліку св. Пятра.
Вялікая надмагільная пліта, якая накрывала грабніцу Яна
Паўла ІІ будзе перавезена ў Кракаў. Пазней яна будзе размешчана ў новым касцёле, які
атрымае тытул благаслаўлёнага Яна Паўла ІІ.