Թրքական «Հիւրրիյէթ» օրաթերթը կը հաղորդէ, որ երկու թուրքեր յարձակում գործած են Ատանայի
Ս.Պօղոս եկեղեցւոյ դէմ` Հրանդ Տինքը սպաննած Օկիւն Սամասթի նման «հռչակաւոր» դառնալու
համար: Ըստ թրքական օրաթերթին, անոնք յարձակում գործելէ առաջ հեռաձայնած են թրքական
«Անատոլու» լրատու գործակալութեան եւ ըսած. «Մենք կը պատրաստուինք եկեղեցւոյ վրայ յարձակում
գործելու»: Երկու թուրքերը 21 ապրիլին դանակներով եւ սուրերով յարձակում գործած են
Ատանայի մէջ գտնուող Ս.Պօղոս կաթողիկէ եկեղեցւոյ դէմ: Եկեղեցւոյ սպասաւորները անմիջապէս
հեռաձայնած են ոստիկանութեան, որ դէպքին վայրը հասնելով ձերբակալած է երկու թուրքերը,
որոնք իրենց առաջին վկայութեան մէջ յայտնած են, որ յարձակումը գործած են, որովհետեւ եկեղեցւոյ
սպասաւորները իրենց առաջարկած են Աւետարան բաժնել: