Чэхія: арцыбіскуп заклікае католікаў актыўна спрыяць вырашэнню грамадскіх праблем
Мітрапаліт Пражскі
арцыбіскуп Дамінік Дука, у сваім пастырскім лісце заклікае чэшскіх католікаў да актыўнага
удзелу ў грамадскім жыцці, а таксама ў развіцці дыялога і пабудове адзінства ў грамадстве
краіны. “Фундаментам гэтай дзейнасці павінна быць паглыбленне хрысціянскай ідэнтычнасці
і адкрытасць на ўсё, што з’яўляецца добрым”, адзначыў у сваім лісце іерарх.
Чэшскі
арцыбіскуп звяртае увагу на існаванне муру, які адзяляе веруючых людзей ад усіх іншых
членаў грамадства. “Грамадства ад нас чакае вельмі шмат, - піша арцыбіскуп Дука, -
Мы, хрысціяне, павінны быць людзьмі, якія нясуць супакой і надзею, спрыяюць вырашэнню
грамадскіх праблем, якому зараз вельмі перашкаджаюць спрэчкі і эгаістычныя памкненні”.
Мітрапаліт
чэшскай сталіцы, заахвоціў вернікаў прыняць актыўны ўдзел у падрыхтоўцы святкавання
1350-годдзя прыбыцця ў Вялікамаравію св. Кірыла і св. Мятода, юбілею які адбудзецца
ў наступным годзе. Іерарх, адзначае, што “фундаментам хрысціянскага жыцця павінна
быць усведамленне сваёй годнасці і адказнасці, якія нараджаюцца разам з Хростам, а
таксама адвагі і сталай мудрасці, якія маюць сваю крыніцу ў Сакрамэнце Бежмавання
і удзеле ў Эўхарыстыі”.