У Францыі адбудзецца Дзень абароны рэлігійнай свабоды
4 мая ў Парыжу па
ініцыятыве французскага аддзялення міжнароднай арганізацыі “Дапамога Касцёлу ў патрэбе”
будзе адзначацца Дзень абароны рэлігійнай свабоды. Перад парыжскім катэдральным саборам
“Нотр Дам” будзе размешчана кампазіцыя пад назвай “Пальма Свабоды”, якая будзе складацца
з больш за 50 пальмаў, якія стануць напамінам аб тым, што свабода веравызнання з’яўляецца
неабходнай для міру ва ўсім свеце. З першых вякоў хрысціянства пальма з’яўляецца
сімвалам мучаніцтва. Кампазіцыя з пальмаў мае на мэце паказаць нетрываласць свабоды
рэлігіі ў свеце і сімвалізаваць якіх пераследуюць за іх веру, незалежна ад таго, ці
з’яўляюцца яны католікамі, пратэстантамі, індусамі, мусульманамі і г.д. На сённяшні
дзень у свеце ад пераследаў пакутуюць больш за 200 мільёнаў хрысціян, значыць кожны
пяты паслядоўнік гэтай рэлігіі. Вечарам 4 мая арцыбіскуп Парыжа Андрэ Вен-Труа
будзе цэлебраваць св. Імшу, пасля якой будзе праведзена “Ноч Сведкаў” – малітоўнае
чуванне, спалучанае са сведчаннем людзей, якія пакутуюць ад пераследаў з веру. У
мерапрыемстве прымуць удзел біскупы з Ірака і Егіпта.