Në këto ditë Pashkësh jehojnë fjalët e Jezusit: “Jam ngjallur e jam gjithmonë me ty”.
Duke i bërë jehon këtij kumtimi, Kisha shpall plotë gëzim: “Po, jemi të sigurt! Zotëria
Jezus më të vërtetë është ngjallur, Aleluja! Atij i qoftë lavdi e fuqia në shekuj”.
E tërë Kisha në festë, i shpreh ndjenjat e veta duke kënduar: “Kjo është dita e Krishtit
Zot”. Më të vërtetë, duke u ngjallur, Ai thotë do të jam në jetë. Biri i njeriut të
kryqëzuar, guri i hedhur prej ndërtuesve, tashmë është bërë themel i sigurt i ndërtesës
së re shpirtërore, që është Kisha, Trupi i tij mistik. Prandaj, bashkësia e krishterë
gëzon sepse ngjallja e Zotërisë Jezus na siguron se plani hyjnor i shpëtimit do të
plotësohet me siguri. Ja se pse Pashka e Tij është më të vërtet shpresa jonë. E ne,
të ringjallur në Krishtin përmes Pagëzimit, duhet ta ndjekim besnikërisht më shenjtërimin
e jetës, duke ecur pa u ndalur e pa u lodhur drejt Pashkëve të amshuara, të mbështetur
nga vetëdija se vështirësitë, betejat, sprovat, vuajtjet njerëzore të ekzistencës,
duke përfshirë edhe vdekjen, tashmë nuk do të munden më të na ndajnë prej Tij e nga
dashuria e tij. Ngjallja e Krishtit ka vendosur një urë ndërmjet botës e jetës së
amshuar, mbi të cilën çdo njeri e çdo grua mund të kalojë për të arritur cakun e vërtetë
të shtegtimit tonë tokësor. Është Ai pra, mbështetja e sigurt e shtegtimit tonë drejt
banesës Qiellore. Po të dëgjojmë si u kremtuan Pashkët në dioqezën e Sapën, nga
Vau-Dejës na njofton Violeta Marashi........