Турцыя: Прэзідэнт павіншаваў хрысціян з Вялікаднем
Прэзідэнт Турцыі Абдула
Гюль звярнуўся са сваімі велікоднымі віншаваннямі да хрысціян, дзе назваў іх "неад'емнай
часткай краіны”. Як паведамляе турэцкая прэса, Гюль пажадаў хрысціянскаму насельніцтву
і гасцям краіны шчаслівай Пасхі і запэўніў іх у сваёй "глыбокай сувязі".
У
некалькіх правінцыях Турцыі, губернатары асабіста з'явіліся на святкаванні Вялікадня
хрысціянскай меншасцю. Так губернатар горада Хатай, наведаў велікоднае набажэнства
ў праваслаўнай царкве ў Антакьі, а губернатар Мардзіна наведаў арамейскую супольнасць
горада.
У правінцыі Мардзін на працягу многіх гадоў працягваюцца спрэчкі аб
зямельным надзеле сіра-праваслаўнага кляштара Мор Габрыэль. Губернатар Хатай заступіў
на пасаду ў чэрвені мінулага года, якраз тады, калі быў забіты мясцовы каталіцкі біскуп
Луіджы Падавэзэ.
Трэба адзначыць, што становішча хрысціян у Турцыі застаецца
складаным. На мінулым тыдні ў правінцыі Адана адбыўся інцыдэнт у каталіцкім касцёле.
Па словах вернікаў, вечарам у Вялікі чацвер два маладых мусульманіна з нажамі ўварваліся
ў храм і знішчылі мэблю. Людзі на шчасце не пацярпелі.