Старшыня Еўрапейскага Парламента: “Мы не забудземся пра Чарнобыль”
26 красавіка адзначаецца
25 гадавіна катастрофы на Чарнобыльскай АЭС, адной з найбуйнешых у гісторыі чалавецтва.
Старшыня Еўрапарламента Ежы Бузэк выступіў з адмысловым паведамленнем з нагоды гэтай
трагедыі. “Мы абавязаны памятаць тых, хто страціў сваё жыццё і здароўе, тых, хто змагаўся
з полымем і з выпраменьваннем ў тую ноч смерці. - сказаў ён - Тых, хто пакінуў свае
дамы з-за катастрофы”. Ён адзначыў, што “у Чарнобылі адбылася не толькі чалавечая
трагедыя, але і ўрок аб важнасці прафілактыкі, празрыстасці і належнага кантролю”.
Паводле
палітыка, “адказам на чарнобыльскую трагедыю стала эфектыўнае міжнароднае супрацоўніцтва.
Мясцовыя і нацыянальныя ўрады пацярпелых краін, ААН, Еўрапейскі Саюз, Чырвоны Крыж
і грамадзянская супольнасць, усе прынялі ўдзел у зніжэнні да мінімума ўздзеяння радыяцыі
на здароўе насельніцтва”. “Мы ідзём наперад, - падкрэсліў Бузэк, - але ніколі не забудзем
пра Чарнобыль”.