Нямецкі журналіст: Ян Павел ІІ – Папа які вызваліў Еўропу
У Германіі ўбачыла
свет кніга нямецкага журналіста Ёахіма Яўэра пад назвай „Urbi et Gorbi”, якая з'яўляецца
своеасаблівым апісаннем краху камунізму і ролі хрысціян у гэтым працэсе.
Ёахіма
Яўэр, які на працягу многіх гадоў быў карэспандэнтам заходненямецкага тэлебачання
ў ГДР, а затым спецыяльным карэспандэнтам ва Усходняй Еўропе, аб'ездзіў краіны ўсходняга
блоку, сустрэўся з многімі партыйнымі чыноўнікамі, апазіцыйнымі актывістамі і простымі
грамадзянамі. На падставе гэтых размоваў ён стварыў хроніку падзення камуністычнага
рэжыму. У адрозненне ад многіх гісторыкаў, якія займаюцца гэтым перыядам, асаблівая
ўвага ў кнізе нададзена ролі хрысціян у аднаўленні свабоды. Іх пастава была лагічным
следствам веры, якую не можна было пагадзіць з якім-небудзь прымусам.
Асаблівае
месца ў кнізе прысвечана Яну Паўлу II і ролі, якую адыгралі яго пілігрымкі ў абуджэнні
незалежнасці. У чэрвені 1979 г. на плошчы Перамогі ў Варшаве Папа сказаў, што без
незалежнай Польшчы не будзе справядлівай Еўропы і маліўся, каб Святы Дух сышоў і змяніў
твар зямлі. У Гнезне, ён казаў пра тысячу гадоў хрысціянства, маючы на ўвазе камунізм,
які з'яўляецца іншародным целам у польскай гісторыі.
На працягу пілігрымкі
Яна Паўла II суправаджалі натоўпы людзей. Аўтар мяркуе, што "ніколі раней у гісторыі
камунізму не здаралася, каб сабраліся мільёны людзей, не належачых да партыі. Мільёну
не можна кантраляваць, нават з дапамогай кулямётаў. З гэтага моманту Польшча перастала
быць камуністычнай краінай", - выказвае меркаванне аўтар.
Яўэр таксама апісвае,
як гэта пілігрымка Папы адлюстравалася на іншых камуністычных краінах. Былы арцыбіскуп
Берлінскі кардынал Георг Стэрцынскі сказаў, што хоць сотні ўсходненямецкіх католікаў,
якія ў 1979 г. адправіліся на сустрэчу з Папам, не ведалі польскай мовы, вярнуўся
дадому смялейшымі. У той час Ян Павел II, спасылаючыся на звыштысячагадовую гісторыю
хрысціянства гэтай часткі Еўропы, назваў усе краіны, зняволеныя камунізмам. Гэтым
краінам Пантыфік надаваў асаблівую ўвагу", - напісаў Яўэр.