Беларусы сустрэлі
Вялікдзень. Сотні тысяч людзей накіраваліся ў храмы. Галоўнае свята хрысціянства –
Уваскрасенне Хрыста ў гэтым годзе адзначаюць адначасова ўсе хрысціянскія канфесіі
– праваслаўныя, католікі, пратэстанты. Святочныя набажэнствы прайшлі па ўсёй краіне
ноччу і працягваюцца сёння днём.
Пасхальная Вігілія адбылася і ў галоўным каталіцкім
храме краіны – архікатэдральным касцёле Імя Найсвяцейшай Панны Марыі. Тут у велікодную
ноч запалымнеў Пасхал і прагучаў велікодны гімн “Exultet”. Перамога святла веры над
цемрай і жыцця над смерцю.
Святочныя набажэнствы праходзяць і сёння ўвесь дзень.
Хрыстус уваскрос, сапраўды ўваскрос – гэтымі словамі людзі вітаюць адзін аднаго. Верачы,
што як Хрыстус уваскрос пасля смерці, так і кожны ўваскрэсне да новага жыцця.
Прэзідэнт
Беларусі Аляксандр Лукашэнка таксама павіншаваў хрысціян краіны з Вялікаднем. "Што
сімвалізуе гэтае свята для ўсіх нас? Перш за ўсё высокую ісціну евангельскіх запаветаў,
якія заклікаюць шанаваць каштоўны дар жыцця, захоўваць мір ва ўласнай душы, у коле
блізкіх і сяброў, у сваёй краіне, любіць людзей, быць спачувальнымі і міласэрнымі",
- гаворыцца ў віншаванні. На думку Прэзідэнта, менавіта гэтыя якасці, выхаваныя хрысціянскай
верай, сталі неад'емнымі рысамі нацыянальнага характару беларусаў.
У гэтым
годзе ўсе хрысціяне адзначаюць Вялікдзень адначасова. Святкаванне Уваскрасення Хрыста
ў нядзелю не заканчваецца. Наперадзе – Актава Вялікадня.