Ватыкан асудзіў генацыд цыган у гады Другой Сусветнай вайны
Нацысцкі генацыд цыган,
іх пераслед на працягу гісторыі, а таксама паглыбленне працэсу інтэграцыі цыган у
грамадства сталі цэнтральнымі тэмамі форуму, які прайшоў у італьянскім Гроттаферрата,
у абацтве св. Ніла.
Апостальскую Сталіцу на сустрэчы прадстаўляў старшыня Папскай
рады па справах мігрантаў і бежанцаў арцыбіскуп Антоніо Марыя Вэльё, які казаў аб
неабходнасці змены менталітэту грамадстваў, якія прымаюць цыган, і пераадоленні апошнімі
страху быць пазбаўленымі сваёй нацыянальнай тоеснасці.
Арцыбіскуп Вэльё нагадаў
пра гвалт, якому падвергнуліся цыгане падчас Другой Сусветнай вайны: пра пераслед
па расавых матывах, канцэнтрацыйных лагерах і фізічным знішчэнні тысяч людзей.
Кіраўнік
Папскай рады распавёў аб дзеяннях, якія ажыццяўляюцца Каталіцкім Касцёлам для дапамогі
ў інтэграцыі цыган, і згадаў першы афіцыйны ватыканскі дакумент, прысвечаны пытанням
вывучэння жыцця цыган – “Кіраўніцтва па душпастырскім клопаце аб цыганах”, апублікаваны
ў снежні 2005 г.
Арцыбіскуп заявіў, што неабходна развіць у грамадстве пачуццё
павагі да нацыянальнай годнасці і тоеснасці цыган і захаванню іх правоў. Ён заклікаў
дзяржавы развіваць праграмы, якія садзейнічаюць інтэграцыі цыганскага насельніцтва.
Па
прыблізных ацэнках, на дадзены момант у Еўропе пражывае ад 7 да 9 млн. цыган.