Дзень малітвы за Асію Бібі

20 красавіка, у Вялікую сераду, ва ўсім свеце адзначаецца спецыяльны дзень малітваў за Асію Бібі, хрысціянску з Пакістана, якая была асуджана на смяротнае пакранне па законе “аб блюзнерстве”.

Дзень малітвы праходзіць па ініцыятыве “Masihi Foundation”, фонду, які аказвае юрыдычную і матарыяльную дапамогу Асіі Бібі і яе сям’і. У Італіі вернікі збіраюцца ў храмах на малітве за гэтую жанчыну і за ўсіх, хто пакутуе ад ілжывых абвінавачванняў у блюзнерстве.

Некалькі дзён таму кардынал Жан-Луі Таран, старшыня Папскай рады па міжрэлігійным дыялогу, цэлебраваў св. Імшу ў капліцы італьянскага парламенту, падчас якой вернікі маліся за былога каталіцкага міністра Пакістана па справах меншасцяў Шахбаза Бхаці, які загінуў падчас тэракта 2 сакавіка.

Пераслед хрысціянаў у Пакістане працягваецца, з’яўляюцца новыя факты дыскрымінацыі паслядоўнікаў Хрыста. У Пальмову нядзелю вернікам з Аб’яднанай царквы пяцідзесятнікаў ў горадзе Гуіранвала паліцыя не дазволіла правесці малітву, пасля таго, як пастар запатрабаваў ад мясцовых уладаў вызваліць двух членаў супольнасці, якіх незаконна арыштавалі “за блюзнерства” супраць іслама.