Арцыбіскуп Кандрусевіч: уменне глядзець на гісторыю ў святле праўды ўваскрасення
Мітрапалі Кандрусевіч
у сваім сёлетнім пасхальным пасланні звяртаецца да тэмы важнасці ўваскрасення Хрыста
для тоеснасці сучаснага хрысціяніна. Гэты факт з'яўляецца: “падмуркам нашай веры,
(…) надзеяй нашага ўваскрашэння, (…) актам бязмежнай Божай міласэрнасці”, - падкрэслівае
іерарх.
Паводле арцыбіскупа Кандрусеваіча, “для многіх хрысціян Хрыстус і Яго
ўваскрасенне значаць не больш, чым леташні снег. У імкненні да абсалютнай свабоды,
якая лічыць Божы закон абмежаваннем правоў чалавека, многія імкнуцца да свабоды ад
Бога і Яго закону. Такім чынам - звяртае ўвагу Мітрапаліт Мінска-Магілёўскі - яны
застаюцца ў грабніцы сваіх грахоў, зняволення і дрэнных звычак, а таксама спажывальнікамі
сваёй малой стабільнасці”.
Арцыбіскуп звяртае ўвагу на сведчанне, якое даюць
хрысціяне сучаснаму свету аб Уваскрослым. “Езус, насуперак былым і сучасным пераследам
хрысціянства, існуючым у некаторых, нават з развітай дэмакратыяй і традыцыямі, краінах
свету, насуперак розным цяжкасцям і выклікам сучаснага лібералізму і нават адыходу
ад веры, жыве ў сваім Касцёле”.
Паводле іерарха, мінулае і сучаснае чалавецтва
можна зразумець толькі гледзячы праз прызму ўваскрасення. “Уменне глядзець на гісторыю
ў святле праўды ўваскрасення - піша ён у сваім пасхальным пасланні - вельмі важна
ў наш час, калі мары чалавека абмяжоўваюцца хвіліннымі клопатамі. Жывучы выключна
праблемамі аднаго дня, мы забываем аб галоўным — аб збаўленні душы, Божым Провідзе,
любові да Бога і бліжняга”.
Мітрапаліт з аптымізмам падкрэслівае, што “уваскрасенне
Хрыста дае магчымасць узвысіцца над штодзённай мітуснёй і цяжкасцямі жыцця і ўбачыць
бязмежнасць Божай любові, якая дзеля чалавека сышла аж да Крыжа і смерці. Таму - на
думку іерарха - нам трэба ведаць і жыць праўдай, што сваім уваскрасеннем Хрыстус аднаўляе
чалавечую прыроду і дае чалавеку неабходныя сілы ў служэнні Касцёлу, Бацькаўшчыне,
грамадству, сям’і і бліжняму”.