Վատիկանի թղթատարութիւնը յուշապահարանի նոր արտակ մը լոյս պիտի ընծայէ Յովհաննէս Պօղոս Բ Քահանայապետի երանացման առթիւ։

Յովհաննէս Պօղոս Բ Քահանայապետի երանացման առթիւ, Վատիկանի թղթատարութիւնը նոր դրոշմի ու նոր յուշապահարանի մը արտակ մը շրջաբերութեան մէջ պիտի դնէ։ Պահարանին ձախ կողմը տպուած է Յովհաննէս Բ Քահանայապետին նկարը աղօթքի դիրքի վրայ։
Միաժամանակ Վատիկանի թղթատարութիւնը լեհականին հետ միասին դրոշմաթուղթ մը պատրաստած է, որուն մէջ պատկերացուցած է Յովհաննէս Բ Հռոմի Պապը իր բազուկները երկինք բարձրացուցած, դրոշմաթուղթի խորքը կը տեսնուի Ս. Պետրոս տաճարը եւ ողորմած Քրիստոսը։