Ізраіль скіруе міністра на беатыфікацыю Яна Паўла II
Ізраільскі ўрад скіруе
свайго прадстаўніка ў Рым на цырымонію беатыфікацыі Яна Паўла II. Пасол Ізраіля пры
Святым Пасадзе паведаміў 14 красавіка ў Рыме, што 1 мая на беатыфікацыйнай св. Імшы
будзе прысутнічаць міністр Йосі Пелед.
Гэты 70-гадовы палітык з партыі "Лікуд"
з'яўляецца міністрам без партфеля ва ўрадзе прэм'ер-міністра Беньяміна Нетаньяху.
Пеледа, які нарадзіўся ў Бельгіі, падчас Другой сусветнай вайны схавала каталіцкай
сям'і, дзякуючы якой ён перажыў Халакост. Будучы міністр да 8-гадовага ўзросту выхоўваўся
як католік.
На цырымонію беатыфікацыі Яна Паўла II у Рым прыбудуць шматлікія
кіраўнікі дзяржаў і ўрадаў з усяго свету. Рымскае бюро пілігрымак разлічвае, што ў
Вечны горад прыбудзе ў гэтыя дні каля 300 тысяч пілігрымаў.