Seanca plenare e Komisionit Biblik Papnor në maj do të trajtojë frymëzimin dhe të
vërtetën në Bibël.
Komisioni Biblik Papnor do të mbajë Seancën plenare të përvitshme nga 2 deri më 6
maj 2011 pranë Shtëpisë së Shën Martës në Vatikan, nën udhëheqjen e hirësisë së tij
kardinalit William Levada, e më koordinimin e punimeve nga atë Klemens Stocj, jezuit,
Sekretar i përgjithshëm. Gjatë mbledhjes Anëtarët do të vijojnë reflektimin e
tyre mbi temën Frymëzimi dhe e vërteta e Biblës. Në fazën e parë të studimit, Komisioni
ka vendosur të shqyrtojë se në çfarë mënyre frymëzimi dhe e vërteta shfaqen në tekste
të ndryshme të Shkrimeve të Shenjta Biblike. Duke u nisura nga kompetencat e çdo Anëtari,
do të paraqiten ligjëratat individuale të cilat pastaj do të diskutohen në mënyrë
kolegjiale në Asamble.