Мінск: Мітрапаліт Кандрусевіч правёў прэс-канферэнцыю
14 красавіка ў Мінску
адбылася традыцыйная перадвялікодная прэс-канферэнцыя з Мітрапалітам Мінска-Магілёўскім
Тадэвушам Кандрусевічам. Распачалася яна хвілінай маўчання ў памяць аб ахвярах тэракту
ў мінскім метро. Арцыбіскуп паведаміў, што знаходзячыся за мяжой у Польшчы ён цэлебраваў
св. Імшу ў інтэнцыі ахвяр трагедыі, і дадаў, што “Каталіцкі Касцёл у Беларусі моліцца
за загінуўшых і пацярпелых у ёй”. Сёння у мінскай архікатэдры адбылася св. Імша ў
інтэнцыі ахвяр, пасля якой Мітрапаліт са святарамі і вернікамі наведалі месца трагедыі
і дзе прайшла адмысловая малітва”.
Падчас прэс-канферэнцыі іерарх распавеў
аб падрыхтоўцы да велікодных святаў. У Мінску запланавана правядзенне інсцэніраваных
набажэнстваў Крыжовага шляху, якія пройдуць на Кальварыйскіх могілках у пятніцу 15
красавіка, і каля касцёла на Залатой Горцы ў Вялікую сераду.
Асаблівую ўвагу
арцыбіскуп надаў беатыфікацыі Слугі Божага Яна Паўла ІІ. У мінскай архікатэдры 1 мая
ў 11.00 гадзін распчнецца тэлемост з Ватыканам, падчас якога вернікі Мінска змогуць
назіраць за св. Імшой с Плошчы св. Пятра, якую ўзначаліць папа Бэнэдыкт XVI. Беларускае
тэлебачанне таксама пакажа асноўныя моманты ўрачыстасцяў у запісы. 8-га мая ў мінскай
архікатэдры адбудзецца св. Імша падзякі за беатыфікацыю, якую ўзначаліць сам Мітрапаліт.
“Таксама ёсць важная падзея для вас, журналістаў – гэта прыезд старшыні Папскай
Рады па сродках массавай камунікацыі. Тэма выступлення арцыбіскупа Чэллі – “Этыка
ў сучасных масс-медыя”, - анансаваў Мітрапалі Кандрусевіч. Арцыбіскуп Чэллі выступіць
з лекцыяй для свецкіх і касцёльных журналістаў у зале мінскага касцёла св. Сымона
і св. Алены 13 мая.
Арцыбіскуп Кандрусевіч нагадаў аб 20-годдзі заснавання
структур Каталіцкага Касцёла ў Беларусі. Асноўныя ўрачыстасці з гэтай нагоды, па словах
іерарха, адбудуцца 19 чэрвеня ў Чырвоным Касцёле Мінска.
Журналістаў цікавіў
стан здароў’я кардынала Казіміра Свёнтка. “Ён заходзіцца ў цяжкім стане, - сказаў
арцыбіскуп - але ў апошнія дні яму стала лепш. Сёння я таксама заклікаю да малітвы
ў інтэнцыі кардынала. Для нас ён з’яўляецца сімвалам Касцёла ў Беларусі”.
На
завяршэнне Мітрапаліт павіншаваў прысутных з надыходзячымі святамі Пасхі.