ПАСЕ: нейтральны падыход у выкладанні гісторыі рэлігіі ў школах Еўропы
Дзяржавы павінны сачыць
за тым, каб выкладанне ў школе гісторыі рэлігіі не абражала перакананняў бацькоў вучняў,
гаворыцца ў праекце рэкамендацый Парламенцкай асамблеі Савета Еўропы. "Прынцып нейтралітэту
дзяржавы павінен выкарыстоўвацца і ў дачыненні да рэлігійнай адукацыі ў школе, і,
паводле прэцэдэнтнай практыкі Еўрапейскага суда па правах чалавека, у задачу органаў
дзяржаўнай улады ўваходзіць строгі кантроль за тым, каб пры гэтым не абражаліся рэлігійныя
ці нерэлігійныя перакананні бацькоў", - гаворыцца ў праекце.
Гэты дакумент
быў прыняты напярэдадні пасля абмеркавання даклада Камісіі па культуры, навуцы і адукацыі
на тэму "Рэлігійнае вымярэнне міжкультурнага дыялогу". "Паводле меркавання асамблеі,
выклікам сённяшняга дня з'яўляецца дасягненне згоды і неабходнага балансу для таго,
каб выкладанне ведаў аб рэлігіях давала магчымасць для ўзаемных адносін і пазнання",
- сказана ў рэзалюцыі.
ПАСЕ бачыць неабходнасць ў тым, каб "розныя Царквы і
рэлігійныя супольнасці - у прыватнасці, хрысціяне, іудзеі і мусульмане - прызнавалі
адзін аднаго".