Ватыканскае выданне аб палёце першага чалавека ў космас
Праз паўстагоддзя
пасля палёту Юрыя Гагарына ў космас, "мы не павінны недаацэньваць яго рэвалюцыйныйнай
вагі", таму што гэта быў "адзін з тых момантаў, пачынаючы з якога людзі пачалі не
толькі разумець, але і запаўняць касмічную прастору цудамі навукі, надаючы ім таксама
палітычную важнасць", - піша сённяшняя "L'Osservatore Romano" да 50-годдзя палёту
першага чалавека ў касмічную прастору.
Ватыканская газета адзначае аднак, што
заўвага Гагарына: "Тут, у версе, няма ніякага Бога" была "хлуснёй". Гэта сцвярджэнне,
"было прызнана ў той час дакладным. Але навукоўцы ўжо даўно думаюць над тым , ці касманаўт
сапраўды сказаў гэтыя словы, ці яны былі прыпісаны яму савецкай прапагандай. Не выклікае
сумневу тое, што гэтых словаў няма ў запісах гутарак падчас палёту", - гавораць аўтары
артыкула ў ватыканскім штодзённіку.
"Такім чынам, калі адкінуць адкрыты падман,
застаецца юбілей аднаго з этапаў пазнання, які пашырыў наша ўяўленне аб свеце", -
заключае "L'Osservatore Romano".