2011-04-11 12:57:14

Մարոնի Եկեղեցւոյ Նորնտիր Պատրիարք Մար Պշարա Էլ Րայի Հռոմի Մէջ


Լիբանան- Մարոնիներու նորընտիր Պատրիարքը՝ Մար Պշարա Էլ Րայի 11-16 ապրիլ պաշտօնական այցելութիւն կը կատարէ Վատիկան, այս առթիւ պատրիաքը կարգ մը հանդիպումներ պիտի ունենայ Վատիկանի արտգործ նախարար Տոմինիք Մամպերթիի ինչպէս նաեւ Իտալիոյ արտգործ նախարար ֆրանքօ ֆրաթթինիի հետ։
Նախատեսուած է նաեւ հանդիպում մը Պենետիկտոս ԺԶ Սրբազան Քահանայապետին հետ։ Պատրիարքը ապա պիտի այցելէ Ռատիովատիկանի ձայնասփիւռը ուր տարիներ առաջ, ան պաշտօնավարած էր որպէս արաբական բաժնի պատասխանատուն։
Ուրբաթ 15 ապրիլին՝ Պշարա Էլ Րայի Պատրիարքը Սուրբ Պետրոս Տաճարին մէջ պիտի գլխաւորէ սուրբ պատարագը մասնակցութեամբ Մարոնի կղերին ու Լիբանանցի հաւատացեալներուն։ Նշենք թէ Մարոնիներու Պատրիարքը հանդիպում պիտի ունենայ նաեւ Արեւելեան Եկեղեցիներու Ժողովի Կառավարիչ Կարտինալ Լէոնարտօ Սանտրիի ու Հռոմի կղերին հետ։








All the contents on this site are copyrighted ©.