Հայ Բեմադրիչներ Պոլսոյ Միջազգային Փառատօնին։

Ապրիլին սկսած է Պոլսոյ 30րդ միջազային փառատօնը, որ պիտի շարունակուի մինչեւ 17 Ապրիլ։ Այս մասին կը տեղեկացնեն թրքական լրատուամիջոցները։ Պոլսոյ մշակոյթի եւ արուեստի հիմնադրամի կողմէն կազմակերպուած փառատօնի ծիրին մէջ պիտի ցուցադրուի 230 շարժանկար։ Փառատօնին կը մասնակցին նաեւ հայ բեմադրիչներ, որոնց շարժանկարները նկարահանուած են հայ-թրքական շարժանկարի ծրարի աջակցութեամբ։ Նշեալ ծրարի աջակցութեամբ նկարահանուած հին շարժանկարները՝ Կալաթա (Տիանա Գարտումեան), Աղաւնիներու վարպետը (Արթուր Սուքիասեան), Մի կորսնցնէք երեխաները (Կիւլենկիւլ Ալթընթաշ), Հարեւանները (Գոռ Պաղտասարեան) եւ Տիկնիկային թատրոն (Ճանա Օզտէն եւ Ալթան Պալ) հանդիսատեսի դատին պիտի յանձնուին 12 Ապրիլին՝ Պոլսոյ Փերա թանարանին մէջ։