Mbledhje e Komisionit të Vatikanit mbi situatën e Kishës katolike në Kinë
Nga data 11 deri më 13 prill do të mblidhet në Vatikan, Komisioni qëPapa Benedikti
XVI ka themeluar më 2007 për të studiuar çështjet me rëndësi të madhe, që kanë të
bëjnë me jetën eKishës katolike në Kinë. Në këtë Komision bëjnë Eprorët
e Dikastereve të Kuries Romake, që janë kompetent në lëndë, e disa përfaqësues të
Episkopatit kinezë si dhe të kongregatave rregulltare. Takimi i parë plenar, i
zhvilluar nga 10 deri më 12 mars 2008, pati si temë, Letrën që Ati i Shenjtë Benedikti
XVI i drejtoi katolikëve kinezë më 27 maj 2007. Në dy mbledhjen e mëvonshme mbajtur
më 30 mars -1 prill 2009 dhe 22-24 mars 2010, janë shqyrtuar temat e formimit njerëzor,
intelektual, shpirtëror e baritor për seminaristët e personat e shuguruar, si dhe
atë të formimit të përhershëm të meshtarëve. Në mbledhjen e ardhshme plenare do
të shqyrtohet situata baritore e dioqezave kishtare në Kinë, me një vëmendje të veçantë
ndaj sfidave që Kisha has gjatë veprimtarisë së mishërimit të Ungjillit në kushtet
aktuale shoqërore e kulturore. Kështu njoftoi sot Salla e Shtypit të Vatikanit
përmes një deklarate për shtyp.