2011-04-08 12:37:19

Պենետիկտոս ԺԶ Սրբազան Քահանայապետին Գործունէութիւնը


Այսօր Ուրբաթ 8 Ապրիլ 2011, առաւօտեան ժամը 9ին Պենետիկտոս ԺԶ Սրբազան Քահանայապետը <<Փրկչին Մայրը>> մատրան մէջ մասնակցեցաւ Մեծ Պահքի երրորդ խորհրդածութեան զոր կատարեց Հայր Րանիէրօ Գանդալամեսսան` Քահանայապետական Տան քարոզիչը։ Մտածականի նիւթը կեդրոնացաւ այն խոչընդոտներուն որոնց կը հանդիպի աւետարանացումը արդի աշխարհի մէջ ու մանաւանդ <<սիրոյ աշխարհականացումը>>։

Ժամը 11-ին Սրբազան Քահանայապետը իր գրասենեակին մէջ ընդունեց Հնդկաստանի Ասորի Մալապար կարգ մը եպիսկոպոսները եկած իրենց հնգամեայ կանոնական այցելութիւնը կատարելու սուրբ Պետրոսի յաջորդին։

Ժամը 11.45 Գոնչիսդորօ Սրահին մէջ Սրբազան Քահանայապետը ունկնդրութիւն շնորհեց Լատին Ամերիկայի Քահանայապետական Խորհուրդի Ժողովի 50 մասնակցողներուն։ Իսկ յետ Միջօրէին Պենետիկտոս ԺԶ Քահանայապետը հանդիպում ունեցաւ Հաւատոյ Ժողովի Կառավարիչ՝ Կարտինալ Ուիլիամ Նեվատայի հետ։








All the contents on this site are copyrighted ©.