Գերմանիա Որոշած է Աւելցնել Ողջակիզումի Զոհերուն Յատկացուելիք Գումարը։
«Միկնիուզ» կայքէջը կը հաղորդէ, որ Գերմանիոյ կառավարութիւնը որոշած է 2012-ին 15 առ
հարիւրով աւելցնել Ողջակիզումէն վերապրած հրեաներուն յատկացուելիք գումարը: 2011-ին յատկացուած
110 միլիոն Էուրոյի փոխարէն պիտի տրամադրուի 126.7 միլիոն Էուրօ: Ըստ Գերմանիոյ կառավարութեան
եւ յանուն Նացիականութեան զոհերուն բանակցող հրէական «Քլէյմզ Քոնֆըրընս» կազմակերպութեան
միջեւ գոյացած նոր համաձայնութեան, սոյն գումարը տարուէ տարի պիտի աւելնայ: 2013-ին
ան պիտի ըլլայ 136 միլիոն եւրօ, իսկ 2014-ին` 140 միլիոն Էուրօ: Պերլին ընդհանուր առմամբ
կը պատրաստուի վճարել 513 միլիոն Էուրօ: