Հարաւային Ափրիկէի Քրիստոնեայ Ղեկավարները Մտահոգ Են Ի Տես Քաղաքական Լարուածութիւններուն
Ափրիկէի Եկեղեցիներու խորհուրդի յայտարարութեամբ հարաւային Ափրիկէի մէջ վերջերս պատահած՝
հասարակական լարուածութիւնները մտահոգիչ երեւոյթ ունին եւ հարկ է որ քաղաքական իշխանութիւնները
առաջքը առնեն ու պէտք եղած լուծումները գտնեն, նախքան կացութեան վատթարացումը։ Ընկերային
ծառայութիւններու պակասը ջղագրգիռ վիճակ մը կը ստեղծէ ժողովուրդին մօտ, եւ արդիւնք
է քաղաքական իշխանութիւններու անհոգութեան։ Խորհուրդը հրաւէր մը կ՛ուղղէ բոլոր կուսակցութիւններուն
ժողովրդավարութեան ձգտելու համար եւ կոչ կ՛ուղղէ զինուորականներուն որպէսզի բնակչութեան
դէմ ուժ եւ բռնութիւն չգործածեն։ << Արդար չէ որ ընկերային ծառայութիւններու իրականացումը
միայն քուէներ շահելու ծարայէ - կը հաստատէ Ափրիկէի Եկեղեցիներու խորհուրդի յայտարարութիւնը
- մենք համոզուած ենք թէ այս ծառայութիւնները հասարակաց իրաւունքն է որ իշխանութիւնները
պարտական են իրագործել բոլորին բարիքին համար >>։