Пакістанскія біскупы: нас не спалохаюць і наша місія будзе працягвацца
Каталіцкія біскупы
Пакістана накіравалі адсмыловае пасланне да вернікаў краіны пад назвай: “Не бойся
малое стада”. У ім іерархі адзначаюць, што “нягледзячы на атмасферу гвалту, якая
агарнула краіну”, хрысціяне павінны штодня даваць сведчанне веры. “Напады на месцы
культу, забойства міністра па справах меншасцяў Шахбаза Бхаці і выпадкі іншых загінуўшых
у імя сваіх рэлігійных перакананняў”, - гаворыцца ў пасланні, - “не спалохаюць нас
і наша місія будзе працягвацца”.
Біскупы пішуць, што цяперашняя сітуацыя выклікала
“пачуццё страху, няўпэўненасці і адсутнасці бяспекі”. У апошнія дні групы ісламскіх
экстрэмістаў напалі на тры хрысціянскія храмы, забіўшы две асобы. Іерархі заклікаюць
вернікаў жыць у Вялікім посце “з верай, малітвай і любоўю”.
“Як першыя Апосталы,
мы з мужнасцю і верай павінны будаваць культуру міру, любові і талерантнасці, каб
святло і аздараўляючая сіла Добрай Навіны маглі дайсці да кожнага чалавека і спрыяць
развіццю ўзаемных адносін, узаемапаразумення і павагі паміж народамі розных рэлігій,
а не сеяць нянавісць і экстрэмізм”.