Як паведамляе сённяшнее
выданне “L’Osservatore Romano” урад Малайзіі заявіў аб намеры распаўсюджваць Біблію
на малайскай мове. Прапанова была зроблена за некалькі дзён да выбараў у штаце Саравак,
на востраве Борнэо. Рэгіянальныя выбары лічацца тэстам для ацэнкі падтрымкі ўрада
ў краіне ў цэлым. Большасць на востраве складаюць мусульмане. Але хрысціянаў тут больш
за 40%. Яны неаднаразова выказвалі незадаволенасць па прычыне нядаўняй канфіскацыі
ўрадам дзесяткаў тысяч Біблій на малайскай мове з-за парушэння забароны на выкарыстанне
слова “Алах” у немусульманскіх тэкстах. У канфіскаваных Бібліях яно ўжывалася для
азначэння слова “Бог”, што цалкам згодна са спецыфікай малайскай мовы.
Паводле
прэм’ер-міністра Ідрыса Ялы, цяпер Біблія будзе надрукавана на ўсіх мовах краіны,
у тым ліку і на малайскай. Хрысціяне, якія да гэтага часу былі вымушаны прывозіць
Бібліі на малайскай мове з Інданезіі, задаволены такім рашэннем. Палітык паабяцаў,
што не будзе ніякіх абмежаванняў у выкарыстанні Бібліі на гэтай мове. Ён сказаў, што
для таго, каб пазбегнуць непаразуменняў, усе кнігі павінны мець надпіс “хрысціянская
публікацыя” і крыж на вокладцы.
Федэрацыя хрысіян Малайзіі заявіла, што рэлігійныя
лідэры краіны збяруцца разам 10 красавіка, каб абмеркаваць прапанову ўладаў і прыняць
канчатковае рашэнне.