Папу Бэнэдыкта XVI,
які адпачывае ў сваім пакоі перад тэлевізарам, які п’е сваю любімую апельсінавую “Фанту”,
ці выконвае на фартэпіяна творы Шуберта, можна пабачыць у новым дакументальным фільме
“Сакрэтны доступ: Ватыкан” знятым амерыканскім тэлеканалам “History Channel”.
У
фільме прадстаўлены кадры, якія паказваюць Святога Айца ў неафіцыйнай абстаноўцы –
у тыя рэдкія хвіліны, калі Пантыфік можа паіграць на любімым музычным інструменце
ці паглядзець тэлевізійныя навіны.
Упершыню можна ўбачыць, як Бэнэдыкт XVI
цэлебруе св. Імшу ў 7.00 гадзін раніцы ў сваёй прыватнай капліцы. Аўтары фільма суправаджалі
Святога Айца падчас папскіх пілігрымак. Яны знялі яго прыватны пакой у самалёце “Boeing
747”, а таксама эскорт з двух вайсковых знішчальнікаў.
У іншым фрагменце фільма
Папа моліцца перад абедам, на які звычайна запрашае некалькі чалавек. Кардынал Джон
Патрык Фолі, які часта вячэраў са Святым Айцом, кажа ў фільме, што калі чалавек знаходзіцца
з Папам сапраўды адчувае сябе спакойна.