Кот д'Івуар: масавыя забойствы і разбурэнні храмаў
Каталіцкая дабрачынная
арганізацыя “Caritas Internationalis” паведамляе аб разні ў горадзе Дуэкоуэ ў заходняй
часцы Кот д'Івуара, падчас якой загінула каля тысячы чалавек. Арганізацыя не паведамляе,
хто нясе адказнасць за масавыя забойствы, але адзначае, што сітуацыя ў краіне хутка
пагаршаецца і пагражае перарасці ў гуманітарную катастрофу.
Мясцовы біскуп
Ман Гаспар Бэбі Гнеба сказаў у інтэрв'ю інфармацыйнаму агенцтву “Fides”, што касцёльныя
будынкі ў горадзе разрабаваныя і разбураныя.
Гвалт ахапіў краіну пасля таго,
як прэзідэнт хрысціянін Лоран Гбагбо адмовіўся прызнаць перамогу свайго суперніка
мусульманіна Алассана Уттары на лістападаўскіх прэзідэнцкіх выбарах.
Насельніцтва
Кот-д'Івуара складае каля 21 млн. чалавек, 38% з'яўляюцца мусульманамі, 33% – прыхільнікамі
мясцовых язычніцкіх культаў, 17% – католікамі, прыблізна 8% з'яўляюцца пратэстантамі.