Shqipëria shënon dy vjetorin e anëtarësimit në Nato.

Anëtarësimi i Shqipërisë me të drejta të plota në Aleancën e Atlantikut të Veriut, ka qenë pa dyshim, meritë e reformave të thella që vendi ynë ka realizuar në vitet e fundit. Kështu pohoi kryeministri i Shqipërisë dr. Sali Berisha gjatë një konference të posaçme për shtyp, me rastin e 2 vjetorit të anëtarësimit zyrtar të Shqipërisë në NATO.
Duke përmendur në mënyrë të veçantë reformat e realizuara për Forcat e Armatosura, si një kusht i domosdoshëm. "E garantoj Aleancën se Shqipëria dhe shqiptarët mbeten plotësisht të vendosur që të bëjnë të gjitha përpjekjet për të përmbushur çdo objektiv që del nga ky anëtarësim. Shqipëria do të përmbushë çdo obligim të NATO s", tha Berisha.
Duke shtuar se sot më 4 prill shënohet një nga datat më të rëndësishme të historisë së Shqipërisë. "Për çdo komb, anëtarësimi në Aleancën e Atlantikut të Veriut përbën një arritje madhore", përfundoi ai.