27 кастрычніка: Дзень малітвы за мір і справядлівасць у свеце
2 красавіка зала друку
Апостальскай Сталіцы выдала паведамленне адносна Дня малітвы за мір і справядлівасць
у свеце, які склікае папа Бэнэдыкт ХVI у Асізі 27 кастрычніка, гэтага года
У
паведамленні гаворыцца, што «1 студзеня, пасля малітвы «Анёл Паснкі» папа Бэнэдыкт
ХVI ўрачыста абвясціў, што плануе адзначыць 25 годдзе гістарычнай сустрэчы, якая па
волі Слугі Божага Яна Паўла ІІ, адбылася ў Асізі 27 кастрычніка 1986 года. У гэтай
сувязі Святы Айцец жадае, такім чынам, урачыста адзначыць гэты 25 гадовы юбілей ў
Асізі: роздумам,дыялогам і малітвай за мір і справядлівасць у свеце. Папа наведае
горад Святога Францішка як паломнік.
У паведамленні залі друку Апостальскай
Сталіцы адзначаецца, што Папа запрасіў на гэту сустрэчы хрысціян розных канфесій,
прадстаўнікоў традыцыйных рэлігій свету і ўсіх людзей добрай волі. У Асізі ўсе збяруцца
пад лозунгам: «Паломнікі праўды, паломнікі міру».
«Кожны чалавек, у рэшце
рэшт, з'яўляецца паломнікам у пошуках праўды і дабра». Рэлігійны чалавек заўсёды
знаходзіцца на шляху да Бога: адсюль нараджаецца магчымасць і патрэба гаварыць і весці
дыялог з усімі, веруючымі і няверуючымі, не адмаўляючыся ад сваёй ідэнтычнасці. Паломніцтва
праўды, калі па сапраўднаму перажываецца, адкрывае дыялог з іншымі, не выключае нікога
і прыклікае ўсіх быць будаўнікамі міру і братэрства, - гаворыцца ў паведамленні прэс-службы
Апостальскай Сталіцы.
«У Асізі запрошаны прадстаўнікі хрысціянскіх супольнасцяў
і галоўных рэлігійных традыцый, таксама прадстаўнікі свету культуры і навукі, якія
ідуць шляхам пошукаў праўды і адчуваюць агульную адказнасць за справядлівасць і мір
ў свеце».
«У рамках падрыхтовак да гэтай Сустрэчы, папа Бэнэдыкт ХVI, 26 кастрычніка,
вечарам, прыме ўдзел, разам з вернікамі рымскай дыяцэзіі, у малітоўным чуванні на
Плошчы Святога Пятра. Прапануецца таксама мясцовым Касцёлам і супольнасцям па ўсім
свеце арганізаваць падобныя малітоўныя сустрэчы», - гаворыцца на заканчэнне паведамлення
залі друку Апостальскай Сталіцы.