Սինկափուրի Հայերը Նշեցին Ս. Գրիգոր Լուսաւորիչ Հայկական Եկեղեցւոյ 175ամեակը։
Սինկափուրի հայկական համայնքը Կիրակի, Մարտ 27-ին տօնեց տեղւոյն եկեղեցւոյ 175ամեակը:
Այս առիթով կազմակերպուած տօնակատարութիւններուն մասնակցելու համար, 14 երկիրներէ աւելի
քան 160 հայեր Սինկափուր ժամանած էին: Սինկափուրի Հիլ Սթրիթ պողոտային վրայ գտնուող
Ս. Գրիգոր Լուսաւորիչ եկեղեցին ամենահին քրիստոնէական եկեղեցին է, որ պաշտօնապէս ազգային
յուշարձան դարձած է 1973ին: Շաբաթ օր, եկեղեցւոյ հոգաբարձուները կալա-ընթրիք մը կազմակերպած
էին «Ռաֆլզ» հիւրանոցին մէջ: Սինկափուրի արտաքին գործոց նախարար Ճորճ Եոն, որ նոյնպէս
մասնակցած է պատարագին, «The Straits Times» թերթին տուած հարցազրոյցին ընթացքին ըսած
է, որ հայկական եկեղեցին եւ համայնքը Սինկափուրի ժառանգութեան կարեւոր մասն են: Սինկափուրի
մէջ կ՛ապրի շուրջ 80 հայ: Փոքրաթիւ համայնքը վերջին հինգ տարիներուն կրկնապատկուած է՝
ընդհանրապէս Հայաստանէն տեղափոխուածներով: Վերջին երկու տարիներուն ընթացքին Սինկափուրի
մէջ 10 հայ երեխայ ծնած է: