Пасланне Папскай рады па міжрэлігійным дыялогу да вызнаўцаў буддызму
Неўзабаве прыхільнікі
буддызму будуць адзначаць свята Весах (ханамацуры). З гэтай нагоды Папская рада па
міжрэлігійным дыялогу накіравала да іх спецыяльнае пасланне.
У звароце гаворыцца,
што “у сённяшнім свеце, які характэрызуецца рознымі формамі секулярызму і фундаменталізму,
што часта варожа ставяцца да сапраўднай свабоды і духоўных каштоўнасцяў, міжрэлігійны
дыялог можа стаць альтэрнатыўным выбарам, з дапамогай якога мы знаходзім, так званы,
“залаты шлях”, каб разам жыць і працаваць для агульнага дабра”.
У пасланні
цытуюцца словы папы Бэнэдыкт ХVI, які адзначыў, што “для Касцёла дыялог з паслядоўнікамі
розных рэлігійных супольнасцяў з’яўляецца важным інструмантам супрацоўніцтва для агульнага
дабра”. Такі дыялог з’яўляецца магутным стымулам для павагі асноўных правоў чалавека,
у тым ліку права на свабоду сумлення і веравызнання. Калі прызнаецца рэлігійная свабода,
годнасць чалавечай асобы паважаецца ў яе сутнасці. Праз шчыры пошук сапраўднага і
добрага, маральнае сумленне і грамадскія ўстановы ўмацоўваюцца; мір і справядлівасць
застаюцца трывалымі”.
“Мы молімся, - пішыцца ў пасланні Папскай рады па міжрэлігійным
дыялогу да буддыстаў, - каб святкаванне Весах стала крыніцай духоўнага ўзбагачэння
і нагодай даць новы імпульс для пошукаў праўды і дабра, каб праявіць спачуванне да
ўсіх, хто пакутуе і імкнецца жыць у згодзе”.